سیمه ییزې سرچینې پخلی کوي چې له دوو ورځو راپدیخوا، د څلورمې او دویمې امنیتي حوزو کې د دولتي سرتیرو درې اډې د طالب جنګیالیو له لورې کلابندې شوي او د حکومت د نه پاملرنې په صورت کې، اټکل کیږي دا اډې د مخالفینو لاس ته ولویږي.

 

د سویلي ولایتونو ترڅنګ، خلک د هیواد په نورو ولایتونو کې هم له خپل  امنیت څخه ښه حال نه لري.

په کندز کې، ګزارشونه د ولایت مرکز ته نږدې د طالبانو د پرمختګونو حکایت کوي.

د دې سرچینو په وینا، د څلورمې او دویمې امنیتي حوزو کې د دولتي سرتیرو درې اډې د طالب جنګیالیو له لورې کلابندې شوي.

د کندز اوسیدونکي همداراز د دې پخلی کوي چې تیره ورځ طالب جنګیالیو حتې ښار ته نږدې بریدونه کړي او له امنیتي سرتیرو سره یې نښته کړې.

د کندز اوسیدونکی، محمد خالد وویل: په دې وروستیو کې د طالبانو بریدونو ډیره شوي او حتې ښار ته نږدې یې د پوځیانو په اډو بریدونه کړي.

د کندز والي چې د پوځیانو د یو شمیر اډو د څیړلو په موخه راوتلی، د چاڼیزو عملیاتو د پیل او د امنیتي حالت د بیا ښه کیدو خبر کوي.

هغه خبریالانو ته د دې پخلی وکړ چې طالبانو تیره شپه د کندز ښار ته نږدې بریدونه او خلک یې زیانمن کړي.

له بلې خوا، د جګړې په لیکه کې یو شمیر سرتیري په کندز کې د طالبانو د بریدونو د مخنیوي ډاډ ورکوي.

که څه هم د تاوترخیوالي کمښت د طالبانو او امریکا ترمنځ د دوحې د هوکړه لیک اصلي برخه ده، خو په وروستیو ورځو کې دې ډلې خپل بریدونه حتې د لویو ښارونو ته نږدې پراخ کړي؛ هغه څه چې حکومت او تګلاریز ملګري یې، د دې سند ښکاره نقض بولي.