| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
په کابل او کندهار ولایتونو کې د واټ تر غاړې ماین چاودنې په پایله کې لس ولسي کسانو خپل ژوند له لاسه ورکړ.
د کورنیو چارو وزارت اعلان وکړ چې د ولسي کسانو یو موټر تیره شپه (یوه نۍ/یکشنبه زمري/اسد ۱۹) د کندهار ارغستان ولسوالۍ پر لار له هغه ماین سره برابر شو چې د ترهګرو له لوري ځای پر ځای شوی وو.
په دې پیښه کې ۸ ولسي کسانو خپل ژوند له لاسه ورکړی دی.
تر اوسه د دې پیښې پړه کومې ډلې پر غاړه نه ده اخیستې.
په همدې حال کې د کابل پولیسو اعلان وکړ چې تیره ورځ مازدیګر د کابل په کمپنۍ سیمه کې په یوې کراچۍ کې ځای پر ځای شوي ماین چاودنه وکړه چې په پایله کې یې د یوې میرمنې په ګډون دوو ولسي کسانو خپل ژوند له لاسه ورکړ او پنځه امنیتي ځواکونه ټپیان شول.
د راپورونو پربنسټ،دا ماین د امنیتي ځواکونو له لوري موندل شوی وو خو د د شنډیدو پر مهال وچاودید.
په دې وروستیو کې د هیواد په بیلابیلو برخو کې د واټ تر غاړې ماین چاودنو ډیری له ولسي کسانو قرباني اخیستې چې د خلکو اندیښنې یې هم راپارولي دي.
