| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د کندهار اتیا سلنه وګړي د نښتو او ناکراریو د دوام له کبله اوزګاره دي.
د کندهار د کار او ټولنیزو چارو ریاست آمر، حبیب الله جیلاني وایي چې د جګړو او ناکراریو د دوام له کبله د دې ولایت ۸۰ سلنه وګړي او په ځانګړي توګه ځوانان اوزګاره شوي او اوس مهال د ژوند له سختو حالاتو سره مخامخ دي.
د کندهار نږدې اووه ولسوالۍ د جګړې په اور سوځي.
هغو نښتو چې له ۲۰ زرو ډيرې کورنۍ بیځایه کړي او د کار او کور پریښودو سره یې د کندهار ښار ته پناه وړې ده.
په همدې حال کې، بیځایه شوې کورنۍ وایي چې ورځې ورځې د واټ او څلورلارو ترڅنګ د کار موندنې لپاره تیروي، خو کار نه ترلاسه کوي.
خو د کار او ټولنیزو چارو ریاست وایي چې د بیځایه شویو کسانو د کار نشتون ستونزې د هواري لپاره به ډیر ژر لاس په کار شي.
د بیځایه شویو او اوزګاره کسانو د شمیر د ډيریدو له کبله په داسې حال کې اندیښنې ښودل کیږي چې مخکې له دې د ملي امنیت شورا سلاکار کندهار ته په خپل سفر کې، د دې ولایت د امنیت د ټینګښت او له بیځایه شویو سره د همکارۍ خبرې کړې وې.
