د روسیې ولسمشر ولادیمیرپوټين په مسکو کې د بهرنیو سفیرانو د باور لیکونو د تر لاسه کولو په مراسمو کې وویل چې د سوله ییز افغانستان پراختیا، په مرکزي او سویلي آسیا کې د امنیت او ټیکاو کلي ده.

ولادیمیرپوټین همدا شان زیاته کړه “ روسیه به له اقتصادي اړخه د یوه خپلواک، له ترهګرۍ او نشه یي توکو اړوند جرمونو لیرې هیواد جوړښت کې له افغانستان سره همکاري وکړي.

هغه همدا شان وویل چې مسکو به د ملي پخلاینې په برخه کې د افغانانو ترمنځ مخامخ خبرو اترو بهیر څخه د سانګهای د همکاریو سازمان له لارې ملاتړ ته دوام ورکړي.

په دې مراسمو کې، په روسیه کې د افغانستان سفیر سیدطیب جواد هم خپل باور لیک ښاغلي پوټین ته وسپاره.