| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د عامې روغتیا وزارت په تیرو ۲۴ ګړیو کې د ۳۵۱ نویو مثبتو پیښو له ثبته خبر ورکوي.
د روغتیا وزارت د ویاند مرستیاله معصومې جعفري رسنیو ته وویل چې د نویو پیښو له ثبت سره په هیواد کې په کرونا ویروس د اخته کسانو شمیر ۳۰ زره او ۹۶۷ تنو ته رسیږي.
د روغتیا وزارت د شمیرنو پربنسټ،په وروستیو ورځو کې له کرونا ویروس څخه روغ شویو کسانو شمیر د ډیریدو په حال کې دی.
میرمن جعفري زیاته کړه، په تیرو ۲۴ ګړیو کې په کرونا ویروس ۲۰۰۴ اخته کسان روغ شوي دي چې له دې سره بیا د روغ شویو کسانو شمیر ۱۲ زره او ۵۸۸ کسانو ته ورسید.
د شمیرنو پر بنسټ په افغانستان کې ۷۳۷ په کرونا ویروس اخته کسانو خپل ژوند له لاسه ورکړی دی.
په همدې حال کې یو شمیر هیواد وال د کرونا ویروس پر وړندې مبارزې په برخه کې د حکومت او په تیره بیا روغتیایي سکټور له کړنو نیوکه کوي.
دوی وایي چې په افغانستان کې له کرونا سره مبارزې لپاره د لا ډيرو مالي مرستو شتون سره سره،حکومت اخته کسانو ته د رسیدنې په برخه کې د پام وړ رسیدنه نه ده کړې.
له دې ټولو سره،د وړاندې شویو شمیرنو پربنسټ په تیره یوه اوونۍ کې په کرونا ویروس د اخته کسانو شمیر د کمیدو په حال کې دی،خو روغتیاپالان بیا ټینګار کوي چې نباید له داشان خوښبینیو سره، روغتیایي سپارښتنې له پامه وغورځول شي.
