| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
یوه بامیاني میرمنې په کندهار کې په سل هاو نجونې زده کړو تر لاسه کولو ته هڅولې دي.
سکینه مهدیار ۲۱ کاله عمر لري او د بامیان ولایت د پنجاب ولسوالۍ اوسیدونکې ده چې له څو کالونو را په دې خوا د کندهار په سپین بولدک ولسوالۍ کې په یوه ښوونځي کې ښوونکې ده او په دې مهال کې یې زده کړو ته د نجونو هڅونې تر څنګ، د تعصب له پدیدې سره هم مبارزه کړې ده.
میرمن مهدیار په دې ولایت د خپلې روزنې ورکولو لامل زده کړو ته د نجونو هڅول بولي ترڅو نړیوالو ته وښیي چې میرمنې د دې وړتیا لري ترڅو په ټولنه کې بدلون راولي.
په سپین بولدک ولسوالۍ کې د دې ښوونځي مدیر عبدالکریم وايي چې د میرمن مهدیار په ورتګ سره په دې ښوونځي کې د ښځینه زده کوونکو د شمیر د ډيریدو ترڅنګ، دا ښوونځی په لیسې هم اوښتی دی.
کندهار له هغو ولایتونو دی چې په لرو پرتو سیمو کې یې ډيری نجونې د کورنیو محدودیتونو له کبله له روزنې بې برخې پاتې او یا هم ورته له لومړنیو زده کړو وروسته د روزنې د دوام اجازه نه ورکول کیږي.
