یو شمیر سیاسيونو او د ګوندونو مشرانو د ټول‌شموله حکومت پر جوړیدو ټینګار وکړ.

د اجرایي ریاست د خبرپاڼې پر بنسټ، دې مشرانو په خپلې وروستۍ لیدنه کې د ټاکنو د پایلو اعلان نا مشروع او له قانون سره په ټکر کې وباله او هیښتیا یې ورکړه چې دا پریکړه به، هیواد د کرکیچ په لور یوسي.

خبرپاڼه زیاتوي چې دوی همداشان هوکړه کړې چې د کړکیچ  د مخنیوي او د سولې بهیر ته د  تاوان د نرسیدو په موخه، د درغلیو ډکو ټاکنو پایلو څخه ملاتړ نه کوي.

په همدې حال کې، د افغانستان لپاره د ملګرو ملتونو د استازولۍ دفتر، د یوې خبرپاڼې په خپرولو سره د ټاکنیزو لانجو اړوند جدي اندیښنه ښودلې.

دې بنسټ، په یوه خبرپاڼه کې له ټولو خواوو غوښتني چې د تاکنیزو لانجو د پایته رسولو لپاره له  خبرو اترو کار واخلي او قانون ته دې درناوی وکړي.

روسیې هم د تاکنیزو لانجو د ډیریدو وروسته د افغانستان د سیاسي حالت له لا خرابیدو اندیښنه ښودلې ده.