| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ننګرهار د کرنې ریاست وایي چې اوس مهال په دې ولایت کې د کب روزنې نږدې ۸۰ فارمونه جوړ شوي چې هر کال نږدې ۶۰۰ ټنه کبان ترې ترلاسه کیږي.
د ننګرهار د کرنې مشر، ضمیر بهسودوال، آرزو ته وویل چې په دې ولایت کې د کب روزنې په برخه کې پانګونې، ښه پایله لرلې ده.
د ده په وینا، تراوسه د ننګرهار په پنځو ولسوالیو کې د کب روزنې ۷۹ فارمونه ثبت شوي چې په دې فارمونو کې هر کال ۶۰۰ ټنه کبان تولیدیږي.
په ننګرهار کې د کب روزنې تر ټولو لوی فارم، په بهسودو ولسوالۍ کې دی، چې د ۱۴۰ جریبه زمکه کې جوړ شوی او په هغه کې ګڼ کوچني فارمونه هم فعالیت لري.
د کب روزنې د دې فارم مسوول، محمد ابراهیم وایي چې د فارمي کبانو د پیرلو لپاره د خلکو غوښتنې ډیرې شوې دي.
هغه زیاته کړه چې د لومړي ځل لپاره یې هیواد ته نوي ډول کبان راوړي او روزلي چې اوس مهال هر کال له دې فارمونو زرګونه کیلوګرامه کبان ترلاسه کیږي.
د ده په وینا، که حکومت له فارم لرونکو ملاتړ وکړي، دوی کولای شي په هیواد کې د بهرنیو کبانو د واردیدو کچه ټیټه کړي.
په دې فارمونو کې، لسګونه تنه د کار خاوندان شوي هم دي.
د دې فارم یو شمیر کارګر وایي چې له هیواده بهر یې د کب روزنه زده کړې او اوس مهال له خپل کار څخه رضایت لري.
کامه، درونټه او بهسود هغه ولسوالۍ دي چې د کبانو د پلور ډیر بازارونه لري او د ننګرهار د کرنې ریاست په وینا، د ننګرهار ترڅنګ، ختیځو ولایتونو ته هم کبان صادروي.
