روسیه او امریکا په رسمي توګه د منځ واټ ویشتونکي هسته یې توغندیو د تولید د منع له تړون څخه ووتل.

د امریکا دبهرنیو چارو وزیر مایک پامپیو د آسیا سویل ختيځ هیوادونو سازمان په کالنۍ ناسته کې اعلان وکړ چې واشنګټن له دې ټړون څخه د رسمي وتلو بهیر پیل کړی دی.

له بلې خوا د روسیې د بهرنیو چارو وزارت هم نن د امریکا د دې اقدام په غبرګون کې له دې ټړون څخه د مسکو له وتلو خبر ورکړی دی او ویلي دي چې دا د هسته یې توغندیو د تولید د پای په معنا ده.

د ګزارشونو پر بنسټ،د امریکا ولسمشر دونالډټرامپ د ” آی ان اف ” تړون څخه له وتلو څو ګړۍ وروسته وویل له روسیې او چین سره د یوه نوی تړون غوښتونکی دی.

د منځ واټ ویشتونکي هسته یې توغندیو د تولید د منع تړون په “۱۹۸۷” زیږدیز کال کې د پخواني شوروی وروستي ولسمشر ،میخائیل گورباچوف، او د امریکا مخکینی ولسمشر رونالد ریګان تر منځ لاسلیک شو.

 د منځ واټ ویشتونکي هسته یې نا هسته یې توغندیو د تولید د منع دا تړون له ۵۰۰ څخه تر پنځه زرو او ۵۰۰ کیلومټره پوری منع کړ.

 

د منځ واټ ویشتونکي هسته یې توغندیو د تولید د منع له تړون د مسکو او امریکا د وتلو اعلان له غبرګونونو سره مخ شوی دی.

ویل کیږي چې د آی آن اف له تړون څخه د واشنګټن او مسکو د وتلو له اعلان سره،د یوې نوې وسله والې سیالۍ له پیله به انديښې زیاتې شي.

د ملګرو ملتونو د سازمان ستر منشي آنتونیو ګوترش ویلي دي چې دا تړون د هسته یې جګړې پر وړاندی ارزښتناکه تړون وو.

د ملګرو ملتونو د سازمان ستر منشي زیاته کړې ده چې دا سکاله به د بالسټیک توغندیو د ګواښ اټکل زیات کړي.

 

آرزو خبري سایټ ــ شمس الله رحیمي