| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د یران د ټاکنو ملي مرکز اعلان وکړ چې ابراهیم رییسي د دې هیواد د ولسمشرۍ ټاکنو په دیارلسم پړاو کې وړونکی دی.
د راپورونو پر بنسټ د ایران د ولسمشرۍ ټاکنو د رایو په شمیرلو سره، ښاغلی رییسي توانیدلی دی څه باندې ۱۷ میلیونه او ۸۰۰ زره رایې او څه باندې ۶۳ سلنه رایې ترلاسه کړي.
د ایران د کورنیو چارو وزارت په ۱۴۰۰ کال ولسمشرۍ ټاکنو کې د ګډون کوونکو کسانو کچه نږدې ۵۰ سلنه اعلان کړه او ویې ویل چې په دې هیواد کې د رای ورکونې په شرایطو برابر ۶۰ میلیونه کسانو له منځه نږدې ۲۹ میلیونه کسانو په ټاکنو کې ګډون کړی وو.
د ابراهیم رییسي یو شمیر پلویانو د ایران په بیلابیلو ښارونو کې په ولسمشرۍ ټاکنو کې د هغه بریا جشن ونیوه.
په همدې حال کې حسن روحاني او د دې هیواد د بهرنیو چارو وزیر هم د رییسي بریا هغه او ایراني ولس ته مبارکي ویلي او هغه یې تدبیر لرونکی سیاستوال بللی دی.
له بلې خوا د نړۍ ډيریو هیوادونو مشرانو د ایران د ولسمشر بریا مبارکي ویلي ده.
ابراهیم رییسي د محافظه کار ګوند نوماند او د ایران مذهبي رهبر علي خامنه یي ته له نږدې څیرو دی چې د خپلو سیالانو په پرتله یې ډيره رایه ترلاسه کړې او په یوې خبري ناسته کې یې هم ویلي دي چې هغه به د حکومت کاري چارو پر مخ وړو کې د ښاغلي روحاني له تجربونو څخه ګټه واخلي.
د ایران د ولسمشرۍ ټاکنو دیارلسم پړاو د جمعې په ورځ سهار پیل شو.
