د هانګ کانګ پولیسو اعلان کړی دی چې د چین د خپلواکۍ ۷۰ یمې کلیزې سره سم،دا هیواد د تاوتریخوالی ډکو اعتراضونو شاهد وو.

د راپورونو پر بنسټ،اعتراض کوونکي په دې ملي ورځ له پولیسو سره په نښته شول او د پولیسو ځواکونو په لوری یې اوورین بمونه وتوغول او یو ۱۸ کلن اعتراض کوونکی هم د پولیسو په ډزو کې وژل شوی دی.

مخکې له دې پولیسو د اعتراض کوونکو په لور پلاستیکي ګولۍ توغولې،خو دا لومړی ځل دی چې پولیس ځواکونو د اعتراض کوونکو په لور ډزې کړې دي.

د هانګ کانګ پولیسو په وینا،د امنیتي ځواکونو او اعتراض کوونکو تر منځ نښتې په ترڅ کې،۲۵ پولیس سرتیري ټپیان شوي او ۱۸۰ اعتراض کوونکي هم ژوندی نیول شوي دي.

په هانګ کانګ کې دا اعتراضونه په داسي حال کې ترسره کیږي چې د چین د خپلواکۍ جشن نمانځنې امنیت ټينګښت لپاره ۶ زره پولیس ځواکونه ګمارل شوي وو.

اعتراض کوونکو همدا شان د اورلوبې یوه خپرونه لغوه او د پلور څو مرکزونه یې هم وتړل.

دا په داسي حال کې ده چې له څلورو میاشتو را په دې خوا هانګ کانګ د چین پر ضد سوله ییزو اعتراضونو شاهد دی.

چین د درې نۍ په ورځ د(اکټوبر په لومړی ۲۰۱۹) دخپلې خپلواکۍ ۷۰ یمه کلیزه د یوه ستر پوځي تمرین په ترسره کولو سره ونمانځله.