د روسې ولسمشر ولادمیرپوټین د بریټانیا د نوی لومړی وزیر په توګه د بوریس جانسون ته د مبارکۍ په یوه پیغام کې د روسیې او مسکو ترمنځ اړیکو پر ښه والی ټينګار کړی دی.

د ټاس خبرې آژانس د ګزارش پر بنسټ د کرملین ماڼۍ مطبوعاتی دفتر اعلان کړی دی چې ولادمیرپوټين بوریس جانسون ته د یوه پیغام په استولو سره هغه ته د بریټانیا د لومړي وزیر په توګه مبارکې ورکړې ده.

په دې پیغام کې ولادمیرپوټین د جانسون د لومړی وزیرۍ پر مهال د مسکو لندن ترمنځ دوه اړخیزو اړیکو ښه والی ته په هیله مندۍ سره ټینګار کړی دی چې په بیلابیلو برخو کې د روسیې او بریټانیا د اړیکو ښه والی او پراختیا به د دواړو ملتونو په ګټه وي.

د ګزارشونو پر بنسټ،د بریټانیا د محافظه کار ګوند مشر بوریس جانسون د دوه نۍ په ورځ (د ۲۰۱۹ کال جولای په ۲۲مه) د دې هیواد په پارلمان کې د یوې را ورکونې په ترڅ کې د بریټانیا د نوی لومړي وزیر په توګه د “ترزا می” ځای ناستی وټاکل شو.

هغه مخکې له دې د بریټانیا د بهرنیو چارو د وزارت پازه پر غاړه درلوده.

جانسون له خپلې بریا وروسته ویلي دي چې له اروپایې ټولنې څخه د دې هیواد د وتلو لپاره به خپله پوره هڅه وکړي.

 

آروز خبري سایټ ــ شمس الله رحیمي