د ایران د بهرنیو چارو وزیر محمدجوادظریف په واتیکان کې د نړۍ د کاتولیکانو له مشر سره لیدنه او خبرې اترې وکړې.

په دې لیدنه کې د ایران د بهرنیو چارو وزیر د ایران د خلکو پر  وړاندې د متحده ایالاتونو یو اړخیزو بندیزونو  په تیره بیا د واکسین د درملو ته په ګوتڅنډنې سره، د دې بندیځونو په تړاو د پاپ له رغونکي دریځ څخه مننه وکړه.

ښاغلي ظریف ایټالیا ته په خپل سفر کې د دې هیواد له چارواکو سره په لیدنه کې د بیلابیلو سکالو پر سر خبرې اترې کړې دي او د دواړو هیوادونو ترمنځ دوه اړخیزو اړیکو او په نړیواله کچه د همکاریو پر دوام ټینګار کړی دی.

محمدجوادظریف اروپايي هیوادونو ته د خپلو سفرونو پړاو مهم او ارزښتناکه بللی او اعلان یې کړی دی چې په دې لیدنو کې په اسلامي هیوادونو په تیره بیا فلسطین او اسراییلو ترمنځ د وروستیو کړکیچونو حل پر سر خبرې کړې دي.

تمه ده د ایران د بهرنیو چارو وزیر له اسپانیا او ایټالیا وروسته اتریش ته سفر وکړي او د دې هیواد لهع چارواکو سره په لیدنه کې د دوه اړخیزو سکالو، سیمه ییز همکاریو او مهمو نړیوالو سکالو پر سر خبرې اترې وکړې.