د ونزویلا ولسمشر اعلان وکړ چې دا هیواد چمتو دی ترڅو د نفتو په پلورلو سره د کرونا د واکسین لګښت ورکړي.
نیکولاس مادورو په یوې ټلویزیوني خپرونه کې وویل، ونزویلا د نفتو د ټانکرونو خاوند دی او پیریدونکي لري چې غواړي له دې هیواد څخه نفت وپیري.
ښاغلي مادورو د ونزویلا ټولو وګړو ته د کرونا واکسین چمتو کولو لپاره یوه لار د نفتو ورکول بولي او په دې برخه کې یې د خپل هیواد له چمتو والي خبر ورکړ.
د راپورونو پر بنسټ ونزویلا د روسیې سپوټنیک لومړنۍ جوپه په فبروري میاشت کې تر لاسه کړه او په دې هیواد کې یې د واکسین بهیر هم پیل کړی دی.