د نړۍ په ګوډ ګوډ کې په میلیونه کسانو په یوې ستره راټولیدنه کې په ګډون سره،له چاپیریال څخه د ساتنې او اقلیمي بدلون غوښتونکي شول.

په اروپا،آفریقا،اقیانوسیه،امریکا او آسیا په بیلابیلو هیوادونو کې په میلیونه زدکوونکو د جمعې په ورځ له چاپیریال څخه د ساتنې او اقلیمي بدلونونو پر وړاندې لاریون وکړ.

د راپورونو پر بنسټ،دا راټولیدنه د (سپټمبر په ۲۰ مه) جمعې په ورځ لومړی د آسټرالیا په سدني ښار او وروسته بیا ورو ورو د نړۍ په نورو هیوادونو کې دوام درلود.

د راپورونو پر بنسټ، په میلیونه کسان چې ډیری یې زدکوونکي او زدکړیالان وول د نړۍ څه د پاسه ۱۵۰ هیوادونو کې لاریون وکړ.

په دې لاریون کې ډیری ګډون کوونکي له افریقا او اروپا څخه ځوانان او زدکوونکي دي او په خپل اعتراض سره، له چاپیریال څخه د ساتنې او د اقلیم د بدلون لپاره د دولتونو د جدې اقدامونو غوښتونکي شول.

 

 

په همدې حال کې تمه ده نن پیلنۍ (د سپټمبر ۲۱ مه) د ملګرو ملتون سازمان په مرکز او نیویاړک ښار کې د ځوانانو اقلیمي ناسته ترسره شي.

د ویلو ده چې په دې ناسته کې یو شمیر نوښتکر او هڅاند ځوانان سره راټولیږي، ترڅو د اقلیم بدلون لپاره خپل لید لوری د یو بل سره شریک کړي.

 

آرزو خبري سایټ ــ شمس الله رحیمي