د چین په گانگ دونگ ایالت کې د مسافر وړونکی موټر په ټکر سره ۷ کسانو خپل ژوند له لاسه ورکړی او ۱۱ نور ټپیان شوي دي.

د ګزارشونو پر بنسټ،دا ټرافیکي پیښه د دوه نۍ په شپه نا وخته د “گانگ دونگ” ایالتد “شنیانگ هایکو” په لویه لاره کې رامنځته شوې ده.

ویل شوي دي چې دې مسافر وړونکی موټر د ۴۴ کسانو وړتیا درلوده خو تر اوسه په دې بس موټر کې د کسانو د شمیر په اړه راپور نه دی خپور شوی.

تر اوسه د دې ټرافیکي پیښې لامل نه دی روښانه خو سیمه ییز پازوال په دې اړه د پلټنو له پیله خبر ورکوي.

د روغتیا د نړیوال سازمان د راپور پر بنسټ،په نړۍ کې د ټرافیکي پیښو مرګ ژوبله زیاته شوې ده.

 

آرزو خبري سایټ ــ شمس الله رحیمي