رافایل ګروسي، د ایران د هسته یي فعالیتونو اړوند د همکاریو د پراختیا او پیاوړتیا په موخه په خپل لومړني سفر کې، تهران ته ورسید.

 

تمه ده ګروسي په خپل دوه ورځیني سفر کې، د ایران له ولسمشر حسن روحاني او د ایران د هسته یي انرژۍ د ادارې له مشر علي اکبر صالحي سره لیدنې ولري.

د اټمۍ انرژۍ د نړیوال سازمان مشر په داسې حال کې ایران ته سفر کوي چې ایران دې سازمان ته اجازه نه ورکوي چې د دې هیواد له دوو تاسیساتو چې انګیرل کیږي هسته یي فعالیتونو لري، لیدنه وکړي.

خو ښاغلي رافایل ګروسي ایران ته د خپل سفر مخکې هیله وښوده چې په دې سفر کې به له ایران سره د مخامخو خبرو لپاره د یوې لارې د جوړیدو او په دې هیواد کې د تاسیساتو د لیدنې زمینه برابره شي.

د اټمي انرژۍ نړیوال سازمان مخکی له دې هم اعلان کړی وو چې د دې سازمان نوی مشر به په ویانا کې به د ناستې وړاندې، تهران ته سفر وکړي.