| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
په کانګرس کې دموکراتانو اعلان کړی چې د ډونالډ ټرامپ د استیضاح لپاره، بسیا رایې په واک کې لري.
د ګزارشونو پر بنسټ، لږ تر لږه د جرګې ۲۱۸ غړو د ټرامپ د استیضاح پریکړه لیک ملاتړ کړی او د دموکرات ګوند استازو د دوه نۍ په ورځ، د امریکا له مرستیال ولسمشر مایک پنس او د ټرامپ د کابینې له غړو وغوښتل چې د متحده ایالتونو د اساسي قانون پر بنسټ، ښاغلي ټرامپ له سپینې ماڼۍ څخه ګوښه کړي.
د امریکا د کانګرس استازو همداراز ډونالډ ټرامپ بلواګرۍ ته په هڅونې تورن کړی او ادعا یې کړې چې هغه خپل پلویان د کانګرس په ودانۍ د برید پرمهال، تاوتریخوالي ته هڅولي دي.
دا د ډونالډ ټرامپ د استیضاح لپاره د نانسي پلوسي په مشرۍ د دموکراتانو دویمه هڅه ده.
له بلې خوا د امریکا د بهرنیو چارو وزارت د سایټ د ګزارش پر بنسټ، د ډونالډ ټرامپ د ولسمشرۍ دورې پای د ۲۰۲۱ کال د جنوري ۱۱ نیټه اعلان شوې ده.
په همدې حال کې یو شمیر روسي سناتورانو ویلي چې دموکراتان د دې هیواد له سیاسي صحنې څخه د تل لپاره د ډونالډ ټرامپ د بهر کولو په هڅه دي.
