ایران له روسیې او چین سره د مهمو وسلو پر سر هوکړې ته رسیدلی دی.

د ایران د دفاع وزیر امیر حاتمي له الجزیره شبکې سره په مرکه کې له دې دوو هیوادونو سره د پوځي سیسټمونو پر نوي کیدو او د یران هوایي ځواکونو پر سمبال مهمې هوکړو ته له رسید خبر روکړ.

ښاغلی حاتمي ددې په ویلو سره چې ایران په سیمه کې د وسله والې سیالۍ په لټه دی وایي چې د وسله ییزو بندیځونو په لیرې کیدو سره دا هیواد کولای شي د خپلې د اړتیا وړ وسلې جوړې او نورو هیوادونو ته یې واستوي.

د ایران د دفاع وزیر همدا راز اعلان وکړ چې په سیمه کې د امنیت او ټیکاو ټینګښت لپاره دا هیواد د فارس خلیج د څنډو له هیوادونو سره د پوځي او امنیتي هوکړه لیکونو لاسلیک ته چمتو دی.

مخکې له دې د روسیې دبهرنیو چارو وزیر له ایران سره په بیلابیلو برخو او په تیره بیا پوځي او تخنیکي څانګو کې د څو اړخیزه همکاریو پر پراختیا او دوام ټینګار کړی وو.