ولادمیرپوټین په سوډان کې د روسیې سمندریزې اډې د جوړښت له طرحې سره هوکړه وکړه.

د روسیې ولسمشر په  سوډان کې د دې هیواد د تدارکاتي سمندریز مرکز جوړښت موخه، آفریقا قاره کې د جګړه ییزو او سمندریزو بیړیو څخه ملاتړ بللی او ویلي یې دي چې دا په آفریقا کې د روسیې لومړنی رسمي حضور دی.

ښاغلي پوټین همدا راز د روسیې د دفاع وزارت ته سپارښتنه کړې ده چې له سوډان سره د هوکړه  لیک په لاسلیک سره دې، د دې اډې د جوړیدو چارو ته چمتو شي.

دا سمندریزه اډه د سوډان د دولت له هوکړې سره په سرحدي سیمو کې جوړیږي چې د ۳۰۰ پوځي ځواکونو او ملکي کسانو د ځای پر ځای کیدو وړتیا لري او په آفریقا کې د مسکو پراخ حضور او نفوذ شونتیا ته لار هواروي.

مسکو ویلي دي چې دا اډه به په سیمه کې د سولې او ټیکاو په موخه جوړه شي او د نورو هیوادونو پر وړاندې نه کارول کیږي.