| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د قطر او بریټانیا د بهرنیو چارو وزیرانو د فلسطین د مسئلې په تړاو عادلانه حل لارې ته د رسیدو په اړتیا ټینګار وکړ.
د قطر د بهرنیو چارو وزارت په یوې اعلانپاڼه کې ویلي چې، د قطر د بهرنیو چارو وزیر، محمد بن عبدالرحمن آل ثاني له خپل بریټانیایي سیال دومینیک راب سره په لنډن کې د لیدنې په ترڅ کې، د دوه اړخیزو همکاریو، د سیمې د بدلونونو او د دواړو هیوادونو مهمو سکالو پر سر خبرې وکړې.
د قطر او بریټانیا د بهرنیو چارو وزیرانو په دې لیدنه کې همداراز د نړیوالو پریکړه لیکونو پر بنسټ د فلسطین مسئلې ته د عادلانه حل لارې ته د لاسرسي په اړتیا او هغه تګلاره چې د ختیځ قدس په پلازمینۍ د فلسطین خپلواک هیواد د جوړیدو ډاډ ورکړي، ټینګار وکړ.
دواړو لوریو د پانګونې، اقتصاد او سیمه ییزو بدلونونو او ګډو مسایلو اړوند هم خبرې کړې دي.
