سعودي عربستان د نویو بندیزونو له وضع کولو خبر ورکوي.

 

د سعودي عربستان د کورنیو چارو وزارت اعلان وکړ چې د دې هیواد الوتنې او سمندریزو پولو او ځمکنیو لارو تګ راتګ بندیز تر راتلونکې یوې اوونې وغځید.

له دې سره،د دې پریکړې پربنسټ، هغه کسان چې د عربستان هیواد وګړي نه دي کولای شي د هوا له لارې نورو هیوادونو ته سفر وکړي.

اوس مهال په سعودي عربستان کې په کرونا ویروس د اخته کسانو شمیر درې لکه او ۶۳ زره تنو ته رسیږي چې له دې منځه بیا ۶۲۰۰ تنو خپل ژوند له لاسه ورکړی دی.

په یو شمیر عربي هیوادونو لکه کویټ، عمان، لیبیا، سوډان او متحده اماراتو کې د کرونا ویروس له کبله د مړو شویو او اخته کسانو شمیر مخ په ډيریدو دی.

له بلې خوا په نړۍ کې نوې شمیرنې ښيي چې ۸۱ میلیونه وګړي په کرونا ویروس اخته شوي او یو میلیون او ۷۷۴ زره تنو خپل ژوند له لاسه ورکړی دی.