د عراق لومړي وزیر اعلان کړی چې په هیواد کې به یې نویو ناندرو ته اجازه ورنکړي.

 

د عراق لومړي وزیر، مصطفی کاظمي په دې هیواد کې د جنګیالیو ډلو پر وړاندې د مخامخیدو لپاره د خپل دولت د چمتووالي اعلان کړي.

ښاغلي کاظمي په خپله ټویټر پاڼه لیکلي چې د عراق دولت، په خپل هیواد کې د امنیت د ټینګښت پازه لري او هڅه کوي چې پر امنیتي او پوځي دستګاه د خلکو باور ستون کړي.

ښاغلي کاظمي تیره شپه په بغداد کې له دوو سیمو لیدنه وکړه او ویې ویل چې هیڅ چا ته به د ګډوډیو او ماجرا جوړولو اجازه ورنکړي.

د عراق په دیپلوماټيکو سیمو وروستیو توغندیزو بریدونو، په دې هیواد کې امنیتي اندیښنې ډیرې کړې دي.

له بلې خوا د ایران د بهرنیو چارو وزیر، محمد جواد ظریف، ډونالډ ټرامپ ته په سیمه کې د هر ډول ماجرا جوړولو اړوند هیښتیا ورکړه.