د بغداد په یوه روغتون کې د اورلګیدنې د قربانیانو شمیر، لږ تر لږه ۲۰۰ وژل شویو او ټپیانو ته لوړ شوی دی.
د عراق چارواکو اعلان کړی چې دا اورلګیدنه تیره شپه د کرونایي ناروغانو ځانګړې خونه کې د آکسیجن بالون د چاودنې په پایله کې رامنځته شوې او د اور وړانګې ژر خپرې شوې.
د عراق د روغتیا وزارت اعلان کړی چې په دې پایله کې تراوسه ۸۰ تنو خپل ژوند له لاسه ورکړی او ۱۱۰ تنه نور ټپيان دي او همداراز له ۲۰۰ ډير هم ژغورل شوي دي.
له بلې خوا، د دې پيښې د قربانیانو د شمیر د ډيریدو اټکل هم شته دی.
د دې پيښې په لړ کې، د عراق دولت د درې ورځو لپاره ټولیز ویر اعلان کړ.