د ملګرو ملتونو سازمان اعلان کړی دی چې د موریتانیا ساحلونو ته نږدی، یوه بیړۍ ډوبه شوې ده چې ۱۵۰ سورلۍ یې درلودې.

د راپورونو پر بنسټ دا بیړۍ د څلور نۍ په ورځ(ډیسمبر ۴مه)هغه مهال چې په لس هاوو کډوال یې لیږدول د موریتانیا ساحلونو ته نږدی چپه شوې او ټوله سورلۍ یې ډوبه شوې ده.

سیمه ییز چارواکو ویلي دي چې په دې پیښه کې نږدی ۶۰ کسانو خپل ژوند له لاسه ورکړی او د نورو کډوالو ژغورنې لپاره هڅې دوام لري.

دې بیړۍ د افریقا له لویدیز ګامبیا څخه د شمال په لور روانه وه چې د لارې په اورږدو کې له تخنیکي ستونزو سره مخ شوه او ډوبه شوې ده.

ویل کیږي چې یوشمیر افریقایې کډوال چې په خپل هیواد کې له امنیتي او اقتصادي ستونزو سره مخامخ دي،د ژوندانه د د ښه شرایطو برابریدو په موخه د انسان د قاچاقي بیړیو له لارې هڅه کوي ترڅو د اطلس اقیانوس او یا هم مدیترانه سمندر له نا امنو لارو اروپا ته ځان ورسوي.

دا پیښه په دې سیمه کې تر ټولو مرګونې سمندریزه پیښه ویل شوې ده.