د ونزویلا اوسیدونکي نن په پارلماني ټاکنو کې د ګډون په موخه، د رایو د صندوقونو په لور ولاړل.

 

دا په ونزویلا کې شپږ ویشتمې ټاکنې دي چې نږدې ۲۱ میلیون وګړو په کې ګډون کوي او د ۱۰۷ ګوندونو ترمنځ، د پارلمان ۲۷۷ نوي غړي د راتلونکو پنځو کلونو لپاره ټاکل کیږي.

د دې هیواد ولسمشر نیکولاس مادورو، په پلازمینه کاراکاس کې د روسیې، ایران او ترکیې له پلاوي سره په لیدنه کې وویل: د ونزویلا پارلماني ټاکنو پایله به پر نړۍ اغیزه ولري.

مادورو د څارونکو په منځ کې، د دې ټاکنو ترسره کیدل یوه لویه آزموینه او ملي او نړیواله پيښه وبلله.

هغه د خپل هیواد په کورنیو چارو کې د یو شمیر هیوادونو لاسوهنې ته ګوتڅنډنې سره اعلان وکړ که مخالفین د ټاکنو ګټونکي شي، دی به له واک څخه لاس په سر شي.