د هیواد ملي لوبډلې د ۵۰ اورونو سیالۍ په دوام دریمه لوبه کې هم د ایرلینډ کرکټ ملي ټیم پروړاندې د ۳۶ منډو په توپیر سره بریالي شول.
دا لوبه تیره ورځ درې نۍ(د جنوري/د سلواغې۷) لومړې د افغانستان ټیم پیل کړه او په ۵۰ اورونو کې یې د ۹ لوبغاړو له لاسه ورکولو سره د ایرلینډ لوبډلې لپاره ۲۶۷ منډې وتاکلې.
خو د مخالف ټیم ټولو کریکټ لوبغاړو لوبه په ۴۸ اوار کې پریښوده او ونه توانید چې تاکل شوي منډې پوره کړي.
د هیواد د کرکټ بورډ په وینا؛ د افغانستان ملي ټیم په دې لوبو کې د آیرلینډ ټیم ته په ماتې ورکولو وروسته د نړیوال جام سیالیو کې د ګډون لپاره ۳۰ نمرې ترلاسه کړې.