سرګیې لاوروف له دونالدټرامپ سره په لیدنه کې ویلي دي،مسکو چمتو ده له امریکا استارت تړون غځیدو لپاره هر ډول لارې سره موافق ده.

د “ټاس”، خبري آژانس د راپور پر بنسټ د روسیې د بهرنیو چارو وزیر امریکا ته د خپل سفر په پای کې د خبریالانو په منځ کې اعلان وکړ،د تګلاریزو وسلو محدودولو لپاره د تړون غځیدو لپاره له هرې لارې سره هوکړه لري او دا وړاندیز امریکا هم کړی دی.

د روسیې د بهرنیو چارو وزیر زیاته کړې ده:دا پریکړه د څو مهمو تړونونو غځیدو لپاره ده او  هر څومره ژر چې رامنځته شي ښه ده.

هغه د ولادمیرپوټین وروستیو څرګندونو ته په ګوتڅنډنې سره وړاندیز کړی دی،دا غځیدل کولای شي د کوم مځ آړ پرته د روان کال تر پایه رامنځته شي.

لاوروف په سپینه ماڼۍ کې د امریکا له ولسمشردونالدټرامپ خپله لیدنه جوړونکې بللې او ویلي دي چې له امریکایې لوري سره یې د نړۍ د چارو پر وضعیت بحث کړی دی او د دوه اړخیزو اړیکو په یوشمیر جدي ستونزو یې هم خبرې اترې کړي دي.

له بلې خوا د امریکا د بهرنیو چارو وزیر ویلي دي چې له خپل روسي سیال سره یې پر بیلابیلو سکالو په تیره بیه د وسلو پر کنټرول،د اوکراین،سوریې او ونزویلا پر کړکیچ خبرې کړي دي.

د روسیې د بهرنیو چارو وزیر سرګیې لاوروف همدا شان یو ځل بیا د امریکا ۲۰۱۶ زیږدیز کال ولسمشرۍ ټاکنو کې د روسې هر ډول لاس وهنه رده کړه او بی بنسټه یې وبلله.

 

آرزو خبري سایټ ــ شمس الله رحیمي