پوتین او شی جین پینگ په بیلابیلو برخو کې د دواړو هیوادونو د اړیکو پر ټینګښت ټینګار وکړ.

د روسیې او چین ولسمشرانو د بریکس اقتصادي ناستې په څنډه کې چې د ترسره کیدو په حال کې ده دوه اړخیزې خبرې اترې ترسره کړې.

دا په روان کال کې د دواړو هیوادونو د مشرانو درېمه ناسته ویل شوې ده.

په دې لیدنه کې پوټین د روسیې او چین تر منځ اړیکې ډیری پياوړې او ټینکاو لرونکې بللي او ویې دي:دا اړیکې د هیڅ یوه هیواد تر اغیزې لاندې نه دي او د پراختیا لپاره یې هڅه کوي.

د روسیې ولسمشر د مسکو بیجینګ تر منځ اقتصادي دوه اړخیزې همکارۍ ګټورې بللي او په سیاسي،نړیوالې،پوځي او تخنیکي برخه کې پر دوامداره بحث ټینګار کړی دی.

 

 

ښاغلي پوټین چین د روسیې ستر اقتصادي شریک وباله او د روان کال په اتو لومړنیو میاشتو کې د سوداګریزو راکړو ورکړو کچې لس سلنې زیاتوالی خبر ورکړی دی،اوس مهال د دواړو هیوادونو ترمنځ سوداګریزو راکړو ورکړو کچه ۶۹ میلیارډه ډالرو ته رسیدلې ده.

له بلې خوا دچین ولسمشر هم په دې لیدنه کې د دواړو هیوادونو ترمنځ سوداګرۍ، او اقتصادي برخې بریا ته په ګوتڅنډنې سره او د دې اړیکو لا زیاته پراختیا د دواړو هیوادونو (چین او روسیې) په ګټه وبلله.

په دې ناسته کې د روسیې ولسمشر په خپلو ویناوو کې هیښتیا ورکړه،او ویې ویل چې د نړۍ اقتصاد د تیر په پرتله د نا عادلانه سیالیو تر اغیزې لاندې راغلی دی،چې له هغې څخه یو اړخیز بندیز وضع کولو چې ډیری سیاسی اړخ لري یادولو شو.هغه وویل دا سکاله په هیوادونو کې د عادلانه اقتصاد د ودې پر وړاندې خنډ ګرځیدلې ده.

 

هغه ټینګار وکړ:په داسي شرایطو کې د بریکس ډلې هیوادونو د خپل اقتصاد پراختیا  او د خپل هیواد د وګړو د هوساینې راکمیدو مخنیوي لپاره ښکار اقدامونه په پام کې نیولي دي.

په بریکس اقتصادي ډله کې(برازیل، روسیه،هند،چین او سویلي آفریقا ) هیوادونه شامل دي. چې د نومبر له ۱۳ مې څلور نۍ ورځې څخه د دو ورځو لپاره د برازیل په کوربه توب دوام لري.

 

روسیې چارواکو زیاته کړې ده چې ولادمیرپوټين د دې ناستې به څنډه کې همدا شان د هند له لومړي وزیر او د برازیل له ولسمشر سره د دوه اړخیزو همکاریو پر پراختیا خبرې اترې کړې دي.