| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د نړۍ د هیوادونو مشرانو د قره باغ په جګړه کې ولسي کسانو ته د مرګ ژوبلې له اوښتو اندیښنه کړې ده.
روسیې، فرانسې او آمریکا ولسي کسانو او پوځيانو ته د مرګ ژوبلې اوښتو د مخنیوي لپاره د دې جګړو د ژرمهاله پای پر اړتیا ټینګار کړی دی.
کرملین ماڼۍ ویلي دي چې د روسیې ولسمشر یوځل بیا د ارمنستان له لومړي وزیر سره د څو ټلفوني اړیکو له لارې په قره باغ سیمه کې له وسله والې نښتې اندیښنه کړې او د دواړو لوریو ترمنځ یې د ژرمهاله اوربند د اعلان غوښتنه کړې ده.
له دې سره هم مهاله د روسیې، فرانسې او آمریکا د بهرنیو چارو وزیرانو، د یوې ګډې ویناپاڼې په خپرولو سره په دې سیمه کې جګړه د سیمې د ټیکاو لپاره د نه منلو په ګوته کړې او د ولسي کسانو مرګ ژوبله یې هم غندلې ده.
دا په داسې حال کې ده چې د آذربایجان او ارمنستان ترمنځ له پوځي جګړې نږدې لس ورځې تیریږي چې له دواړو لوریو یې زرګونو تنو ملکي وګړو او پوځیانو ته مرګ ژوبله اوښتې ده.
