د روسیې ولسمشر د ترکیې، اذربایجان له ولسمشرانو او د ارمنستان له لومړي وزیر سره په تلیفوني خبرو کې د اوربند د موافقو د پلي کیدو او په قره باغ سیمه کې د روسیې د سوله ساتو ځواکونو د فعالیتونو په اړه خبرې وکړې.

کرملین مانۍ ویلي چې ولادیمیر پوتین د خپل ترکي سیال سره په خبرو کې په قره باغ  سیمه کې د امنیت، ټيګاو او سولې د ټینګښت په موخه د پریکړو د دوامداره او بشپړ پلي کیدو پر اړتیا ټینګار وکړ.

پوتین او اردوغان په قره باغ کې د روسیې او ترکیې د اور وژنې د ګډ مرکز د جوړولو په اړه هم خبرې وکړې.

کرملین زیاته کړه چې د روسیې ولسمشر د سه شنبې په ورځ د اذربایجان له ولسمشر او د ارمنستان له لومړي وزیر سره د روسیې د سوله ساتو ځواکونو د فعالیتونو او د قره باغ سیمې خلکو ته د بشرپالو مرستو د لا نورو ګامونو په اړه د جلا خبرو په ترڅ کې سره وکتل.