| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
ناټو تړون د امریکا او روسیې ترمنځ د نوي سټارټ تړون غځیدل، د نړیوالې سولې او ټیکاو لپاره مرسته بولي.
د ناټو لوی منشي، ینس سټولټنبرګ د هسته یي وسلو د کنټرول لپاره د واشنګټن او مسکو د هوکړې د هرکلي ترڅنګ، ټینګار کړی چې د دې سازمان متحدین هم په دې برخه کې له خبرو ملاتړ کوي.
د نړۍ د یو شمیر هیوادونو ترڅنګ، په دې وروستیو کې ترکیې هم د روسیې او امریکا ترمنځ د راتلونکو پنځو کلونو لپاره د منځ واټن ویشتونکو توغندیو د کنټرول د تړون له غځیدو هرکلی کړی دی.
د روسیې د بهرنیو چارو وزارت اعلان کړی چې د دې هوکړه لیک عملي متن پرون د دې وزارت او د امریکا متحده ایالتونو د سفارت ترمنځ د اجرايي کیدو لپاره تبادله شوی دی.
د نوي سټارټ تړون، د واشنګټن او مسکو ترمنځ وروستۍ هسته یي هوکړه ده چې د لرې واټن او منځ واټن ویشتونکو توغندیو په تولید او ګټنه کې محدودیت په کې شامل دی.
