د خوړو نړیوالې برنامې اعلان کړی چې په بیروت کې د چاودنې په پایله کې د اوړو د یوې ځیرمې د لمنځه تلو له کبله، په لبنان کې د اوړو د کمښت د ستونزې د هواري په موخه د اوړو یوه لویه جوپه دې هیواد ته استول کیږي.

 

د بشر حقونو په چارو کې د ملګرو ملتونو سازمان د همغږۍ ادارې د ګزارش پر بنسټ، د اوړو دا جوپه، د بازار د شپږ اوونیو اړتیا هواروي.

ویل کیږي چې د دې جوپې لومړۍ برخه چې ۱۷زره او ۵۰۰ ټنه اوړه کیږي، د لسو را روانو ورځو په ترڅ کې به لبنان ته واستول شي چې د یوې میاشتې لپاره به بسنه وکړه.

مخکې له دې د نړۍ د ۳۰ هیوادونو مشرانو د فرانسې او ملګرو ملتونو سازمان په کوربه توب ناسته جوړه کړې وه چې له لبنان سره مرستې ټولې شي او ژمنه یې وکړه چې دې هیواد ته مالي مرستې وکړي.

سرچینو ویلي چې د نړۍ هیوادونو همداراز له لبنان د ۲۹۵ میلیون ډالري مرستو پر سر هم هوکړه کړې ده.

د لبنان پلازمینې بیروت کې د چاودنې او اورلګیدنې په پایله کې، نږدې ۲۰۰ تنو خپل ژوند له لاسه ورکړ او شپږ زره تنه نور هم ټپيان شول.