| 1 دالر | 81.10 افغانی |
| 1 یورو | 94.50 افغانی |
| 1000 روپیه پاکستانی | 497 افغانی |
| 1000 روپیه هندی | 1100 افغانی |
| 1 ریال سعودی | 21 افغانی |
| 10000 ریال ایرانی | 3.18 افغانی |
| 1 پوند | 111.30 افغانی |
| 1 روبل روسی | 1.05 افغانی |
| 1 لیره ترکیه | 9.85 افغانی |
| 1 ین چینی | 11.45 افغانی |
د ملګرو ملتونو سازمان د امنیت شورا، په لیبیا کې د بیړني او بې شرطه اوربند د پریکړه لیک مسوده، له ۱۴ رایو سره تصویب کړه.
د دې پریکړه لیک په متن کې د جګړې د ښکیلو خواوو لپاره د وسلو د ورکړې په پایته رسیدو، د د وسلو د بندیز د نړیوالو شرایطو په پام کې نیول، د ټولو بهرنیو سرتیرو بهر کیدل او د لیبیا په کړکیچ کې د هیوادونو د لاسوهنې پایته رسیدو ته ګوتڅنډنه شوې ده.
د دې پریکړه لیک متن چې د بریټانیا له لورې جوړ شوی، چې د څو اوونیو خبرو وروسته، د څلورنۍ په ورځ (سلواغې ۲۳/فبرورۍ ۱۲) د ملګرو ملتونو سازمان د امنیت شورا د ۱۴ غړو لخوا تایید شو، خو روسیې له دې متن سره خپل مخالفت وښود او ممتنع رایه یې ورکړه.
په امنیت شورا کې د روسیې استازې، واسیلي نبنزیا، د برلین د غونډې د جوړیدو لپاره د مسکو د هڅو یادونه وکړه او له اوربند سره یې د خپل هیواد د نه هوکړې اړوند وویل، چې په دې طرحه کې روښانه نده چې په لیبیا کې د جګړې خواوې به تر کوم مهاله د برلین د ناستې د پریکړو د اجرا لپاره چمتو شي.
تمه ده چې د لیبیا د کړکیچ د هواري لپاره د کمیټې ناسته، د فبرورۍ په ۱۶ د آلمان په مونیخ ښار کې جوړه شي.
آرزو نیوز
