یو شمیر سرچینو ویلي دي،دا اورلګیدنه په یوې داسې سېمه کې رامنځته شوې چې په کې لویو او کوچنیو کارخونو شتون درلود.

د دې هیواد امنیتي چارواکو اعلان کړی دی چې دا ورلګیدنه دد نوي ډهلي “آناج ماندی” سیمې په یوه کور کې رامنځته شوې چې په کې لږ تر لږه ۴۳ کسانو خپل ژوند له لاسه ورکړی او له ۶۰ زیات هم ټپیان شوي دي.

دا اورلګیدنه نن یوه نۍ(ډیسمبر ۸مه) هغه مهال په دې څو پوړیزې ودانې کې رامنځته شوه چې په سل هاوو کارګران په دې کارخونه کې ویده وول.

د دې هیواد پازوال ویلي دي چې سیمې ته د اور وژنې ډله رسیدلې او د یوې سترې اورلګیدنې مخنیوی کړی دی.

د هند لومړي وزیر نارندرا مودی او د دې هیواد د کورنیو چارو وزیر آمیت شاه په دې پیښه کې د لس هاوو کسانو وژنې اړوند خواشیني ښودلې ده.

تر اوسه د دې اورلګیدنې لامل نه دی روښانه شوی او پلټنې روانې دي.خو یوشمیر سرچینو د کارګرانو له لوري امنیتي سکالو په پام کې نه نیولو له کبله رامنځته شوې.

 

آرزو خبري سایټ ــ شمس الله رحیمي