په تیرو ۲۴ ګړیو کې د ۷ نویو مثبتو پیښو له ثبتیدو سره، په هیواد کې د کوویډ ۱۹ ناروغانو ټولیز شمیر، ۱۱۷ تنو ته لوړ شو.

د عامې روغتیا  وزارت ویاند، وحیدالله مایار وایي د ۱۱۲ شکمنو پيښو ترمنځ چې د آزمایښت وروسته، شپږ مثبتې پیښې په هرات ولایت کې او یوه بله مثبته پیښه هم په سرپل ولایت کې ثبت شوې ده.

دمګړۍ په هیواد کې د کرونا ویروس مثبتو پیښو شمیر د څلورو بهرنيو ځواکونو په ګډون، ۱۱۷ تنو ته رسیږي چې د دې تر منځ، درې تنه مړه او پنځه تنه بیا روغ شوي دي.