په کابل کې په دوو چاودنو کې ۱۳ تنو ته مرګ ژوبله اوښتې ده.

د کورنیو چارو وزارت اعلان وکړ چې د ولسي کسانو یو موټر د کابل شپږمې ناحیې په اړوند او یو بل موټر هم د کابل په لویدیځ کې د ماین چاودنو موخه وګرځيد.

په دې چاودنو کې ۷ تنو ژوند بایللی او ۶ نور ټپیان شوي دي. او د دې پیښو ټول قربانیان هم ولسي کسان دي.

د کابل په لویدیځ کې چاودنو ډيرښت او په مستقیمه توګه د ولسي کسانو موخه ګرځيدل د پلازمېنې له تندو نیوکو سره مخامخ شوي او دوی امنیتي بنسټونه د داشان پیښو په مخنیوي کې په پاتې راتلو تورنوي.

په همدې حال کې د افغان فلم مشره صحرا کریمي وايي چې فاطمه محمدي او طیبه موسوي چې تازه په تازه یې په دې بنسټ کې خپل کار پیل کړی وو په دې چاودنو کې وژل شوي او مړي یې په بشپړه توګه سوځیدلي دي.

تر اوسه د دې پیښو پړه کومې ډلې پر غاړه نه ده اخیستې.

له بلې خوا  وړمه شپه نا وخته پنځه تنه چې د یوه واده له مراسمو څخه سیتندو په حال کې وو د کابل پغمان ولسوالۍ پر لویه لار په ډزو وژل شوي دي.

تیره ورځ مزارشریف ښار هم د یوې چاودنې شاهد وو.

دا چاودنه چې د شپږمې ناحیې په اړوندو سیمو کې رامنځته شوه د یوه ماشوم ژوند یې واخیست او پنځه تنه نور په کې ټپیان شول.